Dei tilsette ved Nord Universitet, Nesna, har tunge tider etter at det blei klårt at den tidlegare høgskulen blir lagt ned frå 2022. Plasstillitsvald Morten Mediå i Forskarforbundet har sagt opp jobben ved universitetet. – Eg fekk nok av idiotien, seier han til Forskarforum. Han skal over i ny jobb i Sandnessjøen. Mediå meiner heile prosessen har vore "heilt elendig".
Marian Børli Sivertsen er samd med Mediå i at prosessen har vore uprofesjonell. Børli peiker på at det ikkje har vore fokus på å ta vare på dei tilsette.
Ho meiner også at det er dei unge på Helgelandskysten som blir ramma av nedlegginga. Det har vore enkelt å kome seg til Nesna med Hurtigruta.